①小白菜，嫩艾艾，丈夫出门到上海，雪白洋钱带进来。滰条衣裳滰条裤，头发割落做尼姑。草籽开花当凳坐，人家要我打老婆，阿拉老婆弗打嗬，辛辛苦苦抬来嗬，会补补补裤，补拨小人出屁股；会弄弄弄饭，弄馒头当当饭，省嘞疙里疙瘩滰碗盏。
采自鄞州
②小白菜，嫩艾艾，丈夫出门到上海，廿块廿块带进来，做件衣裳做条裤，跟人家打腰鼓，小小腰鼓三块板，隔壁阿婆生个顽，名字叫作拖鞋爿，一拖拖到客堂间，客堂阿姆呕其吃夜饭，啥下饭？黄鱼炖竹爿，蛳螺割屁眼，侬看下饭崭弗崭。
采自镇海
③小白菜，嫩艾艾，丈夫出门到上海，廿块廿块带进来，介好丈夫阿里来？石岩缝里爆出来。日里打牌九，夜里叉麻将，铜钱输掉八百万，老婆卖掉做讨饭。
选自民国《鄞县通志·方言·童谣》
